Një sondazh i realizuar nga EF në Ditën Evropiane të Gjuhëve ka zbuluar tendencat e të rinjve në mësimin e gjuhëve. Sipas tyre, frëngjishtja është gjuha më romantike, spanjishtja më e gëzueshme, ndërsa anglishtja më e dobishme për të ardhmen.
Më shumë se një mijë studentë të kampuseve EF në Europë kanë vlerësuar frëngjishten si gjuhën më romantike (50%), spanjishten si gjuhën që sjell më shumë buzëqeshje (30%) dhe anglishten si gjuhën më praktike për të ardhmen (80%). Nëse do të ishin të ftuar në një festë, ata do ta imagjinonin spanjishten si yllin e pistës së kërcimit, frëngjishten si më eleganten dhe estonishten si më enigmatiken.
Sa i përket fjalëve të preferuara, në çdo gjuhë ka fituar një klasike e përjetshme: “Të dua”.
Nuk kanë munguar edhe përgjigje më të veçanta: gjermanishtja Feierabend (momenti kur mbaron puna dhe nis mbrëmja) apo thënie më poetike si ajo nga italishtja “Mos u pendofsh”.
Një gjuhë e re nuk është thjesht studim, por një përvojë personale që të pasuron jetën dhe mënyrën si takon të tjerët. Madje ndikon edhe në humor provoni të thoni ‘Cheese!’ pa buzëqeshur.
Gjuhët nuk përcjellin vetëm kuptim, por edhe emocione. Dhe interesi i madh që po tregohet për italishten, spanjishten, frëngjishten dhe gjermanishten tregon se të rinjtë po e përqafojnë gjithnjë e më shumë pasurinë gjuhësore të Europës.
