Policia e Tiranës ka vënë në pranga 5 adoleshentë, të moshave 15 deri në 17 vjeç, pas një sherri me thika të ndodhur mbrëmjen e 10 shtatorit, në rrugën “Ali Begeja”.
Sipas hetimeve, adoleshentët dyshohet se kanë goditur me armë të ftohta tre të rinj, përkatësisht 22 dhe 19 vjeç, të cilët u dërguan në spital për ndihmë mjekësore dhe ndodhen jashtë rrezikut për jetën.
Ndërkohë u sekuestruan dy thika, të dyshuara si mjetet e përdorura gjatë konfliktit. Materialet i janë kaluar Prokurorisë për vijim të procedurave ligjore.
