Deputeti i Partisë Demokratike, Dashnor Sula i ka kërkuar kryetares së Kuvendit, Elisa Spiropalit që të implementojnë nismën e propozuar nga demokratët sa i përket përdorimit të aplikacionit famëkeq “Sky Ecc”.
Në nismën e propozuar nga demokratët thuhet se çdo deputet i Kuvendit duhet të deklarojë nëse ka përdorur këtë aplikacion apo jo.
Me ironi më tej Sula theksoi se një deputeti apo ministri nuk i duhet një telefon i ekriptuar, veptëm nëse e përdorin për të folur me të dashurat.
“Kryetari i Grupit Parlamentar të PD, më 11 nëntor 2024 ka paraqitur në Kuvend një projket vendim që të bëhet një ndërhyrje në rregullore ku do të duhet që 120 burra dhe gra të këtij parlamenti do duhet të deklarojnë nëse kanë përdorur Sky dhe Enchro Chat dhe kjo duhet të jetë urgjente. Meqë ne s’kemi parë gjë akoma, i kemi edhe këtu mbrapa me Sky edhe këtu. Çudirat tuaja s’kanë fund. Të jeni të sigurt që do shikojmë xhevahire për ata që kanë përdorur Sky dhe Enchro.
Për çfarë i duhet një ministri, deputeti apo ish-ministri një telefon i enkriptuar. Do flasë me të dashurat? Me të dashurat mund të flasë me telefon normal. Për sa kohë jemi persona publik do t’i nënshtrohemi interesit publik dhe interesi publik është që të gjithë deputetët dhe politikanë të respektojnë ligjin dhe Kushtetutën. Mos blloko nisëm e PD për implementimin e nismës tonë në rregulloren e Kuvendit”, tha Sula.
