Presidentja e Kosovës, Vjosa Osmani, ka shprehur shqetësimin e saj mbi situatën e bllokimit të Kuvendit, pas vendimit të Gjykatës Kushtetuese që ka ngrirë procesin e konstituimit të tij. Ajo theksoi në një konferencë për media se bllokimi i zgjidhjes për një nënkryetar mund të dëmtojë rëndë shtetin dhe t’i cenojë te drejtat e qytetarëve. “Për një nënkryetar po synohet të bllokohet shteti”, deklaroi Osmani, duke theksuar se funksionimi efektiv i institucioneve është jetik për ruajtjen e rendit kushtetues.
Sipas Osmanit, nëse Kuvendi bllokohet për shkak të moszgjedhjes së një nënkryetari, ai përbën një rrezik për përfaqësimin legjitim të qytetarëve. Presidentja e shohin këtë si një veprim që, përveç tjerash, dëmton të drejtat e deputetëve të tjerë dhe të gjithë qytetarëve të Kosovës. “Ushtrimi i kësaj të drejte për të bllokuar Kuvendin cenon interesat e qytetarëve”, shtoi ajo.
Osmani kërkoi që nëse Kryesia e Kuvendit ka kuorum, atëherë Kuvendi nuk duhet të bllokohet. Ajo vuri në dukje se vendi i nënkryetarit nga komuniteti serb do të plotësohet në një seancë të ardhshme dhe se askush nuk duhet të përdorë veto për të bllokuar institucionet. Presidentja theksoi se procesi i vendosjes së institucioneve duhet të jetë i papenguar dhe se çdo kontest duhet të zgjidhet përmes procedurave të rregullta parlamentare.
Ajo gjithashtu komentoi një gjyqtar të Gjykatës Kushtetuese, Radomir Laban, duke shprehur shqetësimin se ai ka qenë i përfshirë në institucione me ndodhi të pazakonta. Vendimi i fundit i Gjykatës Kushtetuese për të parandaluar zhvillimin e mëtejshëm të procedurave për formimin e Qeverisë është marrë pas kërkesave të Listës Serbe, e cila pretendon se ka pësuar shkelje të Kushtetutës.
Në fund, Osmani u shpreh se duhet të jemi të kujdesshëm për mos krijimin e precedendëve të rrezikshëm që mund të dëmtojnë funksionimin e shtetit. Kosova duhet të ketë sa më shpejt institucione funksionale për të avancuar proceset jetike të saj.
