Një grabitje si nëpër filma është tentuar orët e para të mëngjesit në afërsi të Kalasë në Krujë në një bankomat.
Bëhet me dije se autorët, ende të paidentifikuar kanë vendosur një sasi lëndë plasëse pranë bankomatit, që kanë tentuar të grabisin.
Burime për media bëjnë me dije se shpërthimi ka qenë shumë i fortë, teksa policia njofton se nga shpërthimi ka vetëm dëme materiale.
Jo veç kaq, grabitësit për të arritur qëllimin e tyre kanë hedhur kunja artizanal që çajnë gomat e makinave, në mënyrë që të parandalonin ndërhyrjen e menjëhershme të policisë.
“Më datë 12.11.2024, rreth orës 02:45, pranë një bankomati në afërsi të Kalasë (në rrugë), është dëgjuar një shpërthim, i ngjashëm me lëndët plasëse ose lëndët piroteknike dhe si pasojë ka vetëm dëme materiale.Grupi hetimor po punon për sqarimin e rrethanave të ngjarjes”, njofton policia.
