Gabriela Arapi prezanton për herë të parë vajzën e saj Amal
Pas gjashtë muajsh nga ardhja në jetë e vajzës së saj, Amal, moderatorja dhe modelja Gabriela Arapi ka ndarë për herë të parë një portret të vogëlushes në rrjetet sociale. Në fotografinë e publikuar në Instagram, Gabriela shfaqet me buzëqeshjen e saj karakteristike, duke mbajtur në krahë vajzën e veshur me një fustan krem elegant dhe një fjongo të madhe në kokë.
E njohur për natyrën e saj të drejtpërdrejtë dhe komunikimin e hapur me ndjekësit, Gabriela ka hyrë në një etapë të re të jetës së saj – atë të të qenit nënë. Për të, kjo periudhë përfaqëson një kombinim emocionesh të bukura, sfidash dhe përgjegjësish të reja, të cilat ajo i ndan shpesh me publikun e saj.Postimi i saj ka marrë menjëherë urime të shumta dhe komente pozitive nga miq, kolegë dhe ndjekës, të cilët e përgëzojnë për rolin e ri dhe i urojnë vogëlushes shëndet e gëzim në rritje.
