Bariera ka ndarë makinën në mes! Këto janë pamjet e rënda të aksidentit automobilistik që ndodhi mbrëmjen e sotme në zonën e Bestrovës në aksin Vlorë-Fier.
Automjeti tip ‘Porche’ në të cilin ishin duke udhëtuar tre persona, doli nga rruga dhe u përplas me barrierën mbrojtëse. Barriera ka hyrë mes për mes makinës.
Si pasojë e përplasjes, tre të rinjtë janë lënduar dhe janë nisur me urgjencë drejt spitalit të Vlorës. Policia po heton shkaqet që sollën aksidentin automobilistik.
Njoftimi i Policisë:
Vlorë/Informacion paraprak
Sot, rreth orës 20:50, në aksin rrugor Vlorë-Fier, pranë fshatit Bestrovë, shtetasi K. L., 31 vjeç, dyshohet se duke drejtuar automjetin tip “Porsche”, në gjendje të dehur, ka humbur kontrollin mbi drejtimin e automjetit, duke dalë nga rruga.
Si pasojë e aksidentit është dëmtuar drejtuesi i automjetit, shtetasi K. L., si dhe pasagjerët, shtetasit O. Ç., 32 vjeç, dhe A. A., 27 vjeç, të cilët ndodhen në spital, jashtë rrezikut për jetën.
Grupi hetimor po kryen veprimet e mëtejshme për sqarimin e rrethanave të aksidentit.
