Aplikacioni i komunikimit ‘WhatsApp’ ka prezantuar një funskion të ri për përdoruesit e ‘Apple’.
Bëhet fjalë për funksionin ‘draft’, i cili synon që t’u lehtësojë përdoruesve mundësinë për të ruajtur mesazhet e tyre në mënyrë që t’i rishikojnë dhe plotësojnë më vonë pa humbur detaje.
Në javët në vijim, përdoruesit do të shohin një etiketë “Draft” për çdo mesazh të ruajtur pjesërisht, duke i ndihmuar ata të identifikojnë shpejt tekstet e paplota në listën e bisedave.
Falë këtij funksioni të ri, përdoruesit nuk do të kenë më nevojë të kontrollojnë manualisht bisedat për të zbuluar nëse kanë lënë ndonjë mesazh të papërfunduar, duke bërë komunikimin në platformë edhe më të thjeshtë dhe të shpejtë.
