Policia e Shtetit ka shpallur hapjen e aplikimeve për pranim në 402 funksione në rolin bazë për ata që kanë përfunduar arsimin e mesëm. Aplikimet mund të bëhen nga data 01.09.2025 deri më 21.09.2025 dhe procesi do të realizohet sipas parimeve të barazisë dhe meritës.
Drejtori i Përgjithshëm ka miratuar 402 kuota, ku 52 janë për ata që ishin në listë pritjeje dhe 350 për aplikantët e rinj. Kriteret e aplikimit përfshijnë qenien shtetas shqiptar, mosha deri në 30 vjeç, të paktën 170 cm për meshkujt dhe 160 cm për femrat, përfundimin e arsimit të mesëm, dhe të mos kenë të kaluar ndonjë rast penal. Po ashtu, kandidatët duhet të kenë certifikatën për aftësinë e drejtimit të automjetit tip “B”, si dhe të jenë në gjendje të mirë shëndetësore.
Dokumentacioni i nevojshëm për aplikim përfshin formulare të ndryshme, fotokopje të dokumenteve identifikues, si dhe certifikata gjendje gjyqësore. Të gjithë aplikantët që dështojnë të dorëzojnë dokumentet brenda afatit, ose që nuk plotësojnë kriteret e përcaktuara skualifikohen automatikisht.
Procesi i pranimit përfshin disa faza: aplikimi, verifikimi i dokumentacionit, kontrollet shëndetësore, testimi me shkrim dhe fizik, intervistimi dhe verifikimi i integritetit. Aplikantët kanë të drejtë të ankohen në rast të ndonjë mosmarrëveshjeje.
Formularët e aplikimit mund të shkarkohen në faqe zyrtare të Policisë së Shtetit, si dhe mund të merren fizikisht në drejtoritë vendore. Trajnimi përfituesve do të zgjasë 9 muaj, duke përfshirë 6 muaj teorikë dhe 3 muaj praktikë. Pas përfundimit të trajnimit, të rinjtë emërohen menjëherë në pozitat përkatëse.
Policia e Shtetit fton të rinjtë dhe të rejat për të aplikuar, duke siguruar një proces transparent dhe të drejtë.
