Ditën e sotme vendi ynë do të ndikohet nga masat e nxehta afrikane, të cilat do të sjellin temperatura më të larta se mesatarja mujore e Gushtit, duke u rritur deri në 7 gradë mbi normë.
Pjesa e parë e ditës do të karakterizohet nga mot i kthjellët në të gjithë territorin shqiptar, ndërsa pasditja dhe mbrëmja do të shoqërohen me kalime të lehta vranësirash në zonat lindore dhe pjesërisht në qytetet e zonës së ulët.
Temperaturat e ajrit do të rriten si në mëngjes, ashtu edhe në mesditë, duke luhatur vlerat ditore nga 14 gradë Celsius minimumi deri në 37 gradë maksimumi në rang vendi.
Era do të fryjë me intensitet mesatar, duke arritur deri në 35 kilometra në orë nga drejtimi veriperëndimor, çka do të sjellë një dallgëzim deri në 2 ballë përgjatë brigjeve detare.
Në përgjithësi, kjo e enjte do të vijojë me mot tipik veror, me temperatura të larta dhe kushte të favorshme për pushuesit, por që kërkojnë kujdes ndaj orëve të nxehta të mesditës.
