Një ngjarje e pazakontë ka ndodhur në Durrës, ku dyshohet se një 40-vjeçar i identifikuar si Robert Lamnica nga Shënavlashi, ka grabitur telefonin dhe disa para të një 49-vjeçareje me inicialet A. H., me banim në Durrës e cila i ofroi shërbime seksuale në këmbim të pagesës një miku të tij.
Sipas njoftimit zyrtar të policisë, 49-vjeçarja, e cila ishte nën masën e sigurisë “Arrest në shtëpi”, dyshohet se i ka ofruar marrëdhënie seksuale kundrejt pagesës një 44-vjeçari mik i Lamnicës. Lamnica bashkëpunoi me të duke i marrë viktimës me dhunë celularin dhe një shumë parash.
Të dy personat ishin nën masën e sigurisë “Arrest në shtëpi”, të vendosur më herët nga Gjykata e Durrësit, në kuadër të hetimeve të operacionit “Last Threat” të zhvilluar në muajin prill.
Roberti tashmë është arrestuar nga policia, ndërkohë që në kërkim është shpallur gruaja që ofronte shërbime të paligjshme kundrejt pagesës.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme ligjore.
