Dy kullat në zemër të Porta Nuova, të njohura si Bosco Verticale, kanw më shumë gjelbërim se një park i tërë qyteti. Me 800 pemë dhe 15.000 bimë të shpërndara në tarraca dhe ballkone, gratacielët 112 dhe 80 metra të lartë përfaqësojnë një mushkëri natyrale në mes të qytetit.
Sipërfaqja e gjelbër është e barabartë me 75.000 metra katrorë kopshte tradicionale, duke zënë vetëm 1,4% të tokës.
Çdo pemë, me lartësi nga 3 deri në 9 metra, është zgjedhur dhe vendosur me kujdes shkencor, duke krijuar një raport prej rreth dy pemësh për çdo banor.
Përveç 4.000 shkurreve dhe mijëra bimëve ngjitëse, fasadat e gjelbra filtrojnë pluhurat, prodhojnë oksigjen dhe ulin temperaturën brenda apartamenteve.
Mirëmbajtja e tyre bëhet nga të ashtuquajturit Kopshtarët Fluturues, profesionistë që lëvizin mes kateve me litarë dhe pajisje speciale sigurie.
Ky ekosistem i vogël ka tërhequr zogj e insekte në zemër të Milanos, duke krijuar biodiversitet aty ku më parë kishte vetëm beton.
