Nga sot, 31 korriku 2025, hyn në fuqi afati përfundimtar i dhënë nga Ministria e Infrastrukturës dhe Energjisë për lirimin e hapësirave të zëna në mënyrë të paligjshme përgjatë akseve kombëtare.
Ministrja Belinda Balluku ka paralajmëruar se subjektet që nuk kanë zbatuar urdhrin do të përballen me masa penalizuese.
Ajo tha një ditë më parë se reforma për rikthimin eligjshmërisë në territor, e cila përfshin edhe lirimin e hapësirave publike, parashikon ndërhyrje të njëpasnjëshme në të gjithë vendin, nga veriu në jug.
Një vëmendje e veçantë po i kushtohet varrezave të automjeteve që ndodhen më pak se 1 kilometër nga rruga, në kundërshtim me aktin normativ të vitit 2011.
Edhe kryeministri Edi Rama ka përsëritur thirrjen për lirimin vullnetar të hapësirave, duke theksuar se pas datës 31 korrik, çdo shkelje do të pasohet me penalizime.
