Një 67-vjeçar ka humbur jetën në Bulqizë, pasi duke drejtuar një automjet bujqësor ka humbur kontrollin dhe si pasojë ka dalë nga rruga. Shtetasi me inicialet R.L., ka ndërruar jetë në spital si pasojë e dëmtimeve të marra. Grupi hetimor ndodhet në vendngjarje dhe po punon për zbardhjen e rrethanave të këtij aksidenti.
NJOFTIMI I POLICISË:
Bulqizë/Informacion paraprak
Rreth orës 13:30, në fshatin Viçisht, shtetasi R.L., 67 vjeç, duke drejtuar një automjet bujqësor, dyshohet se ka humbur kontrollin mbi drejtimin e tij dhe mjeti ka dalë nga rruga. Si pasojë e dëmtimeve të marra, 67-vjeçari ka humbur jetën në spital.
Grupi hetimor ndodhet në vendngjarje dhe po punon për zbardhjen e rrethanave të këtij aksidenti.
