Një i ri 23-vjeçar është arrestuar nga Policia e Gjirokastrës pasi ka shpërndarë në rrjete sociale video me përmbajtje pornografike me të mitur.
Sakaq, autoritetet i sekuestruan 23-vjeçarit D. D., dhe celularin ku gjatë zbërthimit të kësaj pajisje elektronike, janë konstatuar biseda dhe komunikime ku ishin shpërndarë videot intime në rrjetet sociale të personave të ndryshëm.
“Specialistët për Hetimin e Krimeve Ekonomike dhe Financiare në bashkëpunim me Seksionin për Hetimin e Krimeve Kirbenetike të DVP Gjirokastër ndaluan shtetasin D. D., 23 vjeç, banues në Gjirokastër, pasi dyshohet se ka shpërndarë video me përmbajtje pornografike me të mitur, në rrjetet sociale “Instagram” dhe “Telegram”. Në cilësinë e provës materiale u sekuestrua aparati celular i 23-vjeçarit, ku gjatë analizës dhe këqyrjes paraprake të tij janë konstatuar biseda dhe komunikime në të cilat ishin shpërndarë videot intime, në rrjetet sociale të personave të ndryshëm”, thuhet në njoftimin e policisë.
