Një aksident rrugor është regjistruar mëngjesin e sotem në aksin Papër-Cërrik. Siç shihet nga pamjet, një automjet ka dalë nga rruga dhe ka përfunduar në anë të saj, duke shkaktuar shqetësim tek drejtuesit e tjerë të mjeteve.
Në vendngjarje ka mbërritur një karrotrec për tërheqjen e mjetit të aksidentuar, ndërsa disa persona ndodhen aty për të ndihmuar në procesin e rikuperimit.
Ende nuk dihen shkaqet e aksidentit apo nëse ka persona të lënduar, por dyshohet se humbja e kontrollit nga drejtuesi i mjetit mund të ketë qenë arsyeja e daljes nga rruga.
