Një ngjarje tronditëse ka ndodhur në Itali, në një familje të njohur në Apeninet e Modenës, pronarë të një hoteli.
Djali 36-vjeç, i identifikuar si Fabio Marchioni humbi jetën në një aksident në lumin Dardagna.
Disa orë më vonë, babai i tij, Aurelio Marchioni u gjet po ashtu i vdekur nën urën Leo në Fanano. Ai nuk mundi të përballonte vdekjen e të birit.
Alarmi për vdekjen e djalit u dha pasditen e së martës, kur trupi i tij u pa në lumin Dardagna.
Sipas mediave italiane, raportohet se ka qenë një aksident tragjik. I riu ishte zhytur në lumë, por goditja në kokën e tij ishte aq e fortë saqë ai humbi menjëherë ndjenjat dhe nuk mundi të shpëtonte. Përfshirja e palëve të treta në incident është përjashtuar, megjithëse mundësia e një akti ekstrem nuk është përjashtuar plotësisht.
Por, për këtë familje tragjeditë nuk kanë pasur fund. Prindërit e kishin humbur një vajzë disa vite më parë si pasojë e një aksidenti.
