Gjatë ditëve të nxehta të verës, shpesh tundimi është që ta ulim sa më shumë temperaturën e kondicionerit për të gjetur freski. Por, a e dini cila është temperatura ideale për ambientet e brendshme?
Edhe pse ka mendime të ndryshme mbi këtë temë, faktori më i rëndësishëm nuk është vetëm temperatura, por edhe niveli i lagështisë në ajër.
Sipas një rregulli të thjeshtë, i njohur si “rregulli i artë”, diferenca mes temperaturës së jashtme dhe asaj të brendshme nuk duhet të jetë më shumë se 10 gradë Celsius. Për shembull, nëse jashtë janë 35-36 gradë, temperatura brenda duhet të qëndrojë rreth 25-26 gradë.
Ulja e tepërt e temperaturës jo vetëm që mund të ndikojë negativisht në shëndetin tuaj, por edhe e ngarkon kondicionerin më shumë se ç’duhet, duke ulur efikasitetin e tij në ftohjen e ambientit.
