Policia e Beratit ka arrestuar një 48-vjeçar, pasi gjatë kontrollit në automjetin e tij u gjet një sasi kokaine e ndarë në doza dhe e gatshme për shitje.
Sipas njoftimit të policisë, ndaj shtetasit E.K. është caktuar masa e sigurisë “Arrest në Burg”, për veprën penale “Prodhimi dhe shitja e narkotikëve”.
Njoftimi i Policisë:
Në vijim të punës kundër veprimtarive kriminale në fushën e narkotikëve, shërbimet e Seksionit për Hetimin e Narkotikëve vunë në pranga shtetasin E. K., 48 vjeç, banues në Berat, pasi Gjykata e Shkallës së Parë e Juridiksionit të Përgjithshëm Berat më datë 02.07.2025, i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.
Gjatë kontrolleve, në automjet iu gjet një sasi Kokaine, e ndarë në doza, të gatshme për shitje.
Materialet procedurale iu referuan Prokurorisë së Beratit, për veprime të mëtejshme.
