Një pallat në Fier, në lagjen “Konferenca e Pezës”, për pak sa nuk u përfshi në zjarr pasditen e djeshme, për shkak të një bombule gazi të harruar ndezur. Sipas burimeve, tymi filloi të dilte nga dritarja e një apartamenti në katin e dytë.
Forcat zjarrfikëse shkuan menjëherë në vendngjarje, por kur arritën, banesa ishte e mbyllur. Pas disa përpjekjesh, një zjarrfikës arriti të hynte nëpërmjet një dritareje.
Pronarët e apartamentit kishin qenë të larguar dhe kishin harruar të fiknin bombulën e gazit, duke bërë që tenxherja me presion të shpërthejë dhe të shkaktojë tym. Intervenimi i shpejtë i zjarrfikësve ndihmoi në evitimin e një zjarri të mundshëm dhe një shpërthimi të mëtejshëm
