Sot mbahet seanca e fundit e gjyqit dy-mujor të Sean “Diddy” Combs, që akuzohet për trafikim seksual dhe shantazh.
Gjykatësi do t’i japë udhëzime jurisë se si të shqyrtojë pesë akuzat me të cilat përballet Combs, raportojnë gazetarët e BBC-së, që po ndjekin gjyqin.
Avokatët kaluan orë të tëra javën e kaluar duke diskutuar saktësisht se çfarë duhet t’u thotë gjykatësi Arun Subramanian në përputhje me ligjin.
Pas këtyre udhëzimeve, çështja më në fund do të jetë në duart e jurisë, të cilët do të marrin në konsideratë dëshmitë nga më shumë se 30 dëshmitarë, video grafike dhe faqe me mesazhe.
Combs mund të përballet me burgim të përjetshëm nëse dënohet për akuzat më të rënda të shantazhit dhe trafikimit seksual.
