Rreth 40 vatra zjarri shpërthyen gjatë 24 orëve të fundit në rajonet e Greqisë, 30 prej të cilave u neutralizuan, ndërsa forcat e zjarrfikëses vijojnë punën për shuarjen e plotë të zjarreve. Mediat ndërkombëtare raportojnë se momentalisht aktive janë 7 vatra zjarri.Zjarri në bimësinë e ulët në Argithea, Paiania , u vu nën kontroll .
Sipas Departamentit të Zjarrfikësve, zjarri shpërtheu rreth orës 18:30 pranë një vendbanimi dhe 50 zjarrfikës u mobilizuan për ta shuar atë me 2 grupe njësish këmbësorësh të EMODE-s së 1-rë, 15 automjete dhe vullnetarë, dhe nga ajri, 2 avionë dhe 4 helikopterë.
Ndërkohë nëpërmjet numrin të emergjencës një mesazh paralajmërues ka mbërritur për banorët e Boura Papagelakis në Paiania për të qëndruar vigjilentë dhe të ndjekin udhëzimet e autoriteteve.
Sakaq, autoritetet vendase kanë nisur një hetim të thelluar me qëllim zbulimin shkaqeve të zjarreve.
Së fundmi, Departamenti i Zjarrfikësve u bën thirrje të gjithë qytetarëve të jenë veçanërisht të kujdesshëm dhe në rast zjarri, për sigurinë e tyre, të ndjekin nga afër udhëzimet e Autoriteteve kompetente.
