Sot, rreth 27 mijë maturantë do t’i nënshtrohen provimit të fundit të Maturës Shtetërore ai i Lëndës me Zgjedhje, i cili shënon mbylljen e këtij procesi të rëndësishëm për nxënësit e shkollave të mesme.
Nxënësit kanë zgjedhur një nga lëndët në bazë të fushave të studimit që ata preferojnë. Lëndët e përfshira në këtë provim janë ndarë në disa fusha: Shkencat e Natyrës, Shkencat Shoqërore si dhe Ekonomia dhe Artet.
Nxënësit duhet të paraqiten në ambientet e shkollave në orën 08:30, ndërsa provimi do të nisë në orën 10:00 dhe do të përfundojë në 12:30.
Testimi zhvillohet në afro 145 qendra, ku secila do të ketë administrator nga një përgjegjës dhe nga administratorë të caktuar për çdo klasë ku zhvillohet provimi. Në korrigjim janë angazhuar më shumë se 640 mësues.
Të gjitha provimet do të zhvillohen në shkolla që plotësojnë kushtet infrastrukturore të përcaktuara në Rregulloren e Maturës Shtetërore.
Këtë vit Ministria e Arsimit dhe Sporti ka ofruar teste të personalizuara për maturantët me aftësi të kufizuara.
