Një person u vra dhe 19 të tjerë u plagosën pasi dy balona u përplasën në Turqi. Aksidenti ndodhi pranë Luginës Ihlara në provincën Aksaray, sipas agjencisë së lajmeve Ilhas.
Megjithatë ende nuk është e qartë se çfarë e shkaktoi përplasjen në Turqinë qendrore, ku fluturimi me balonë me ajër të nxehtë është një aktivitet i njohur turistik.
Videot e publikuara nga mediat lokale treguan një nga dy balonat në tokë. Ndërkohë shërbimet e urgjencës ishin në vendngjarje, duke u dhënë ndihmë mjeksore të plagosurve.
