Moderatori dhe ish-banori i “BBV”, Meriton Mjekiqi, duket se po përjeton një periudhë të paqëndrueshme në jetën e tij sentimentale. Pas ndarjes së bujshme me Ilnisa Agollin, duket se Meritoni është në krah të një tjetër femre.
Pas përfundimit të marrëdhënies me Ilnisën, Mjekiqi u përfol për një tjetër lidhje, këtë herë me modelen Iren.
Edhe pse nuk pranoi ta konfirmonte publikisht, ai la të kuptohej se diçka kishte ndodhur mes tyre. “Gjërat që mbesin kujtim janë të rëndësishme”, u shpreh ai me tone të rezervuara në një intervistë të fundit.
Sipas mediave rozë, Mjekiqi ka nisur një lidhje të re, këtë herë me një vajzë të njohur nga rrjetet sociale dhe bota e ekranit. Edhe pse çifti nuk ka dalë publikisht, vizitat e shpeshta të Meritonit në kryeqytet flasin për një lidhje më shumë sesa thjesht profesionale.
Në një prononcim të fundit për emisionin “Prive”, ai foli për ndarjen nga Ilnisa, duke konfirmuar se gjithçka që është përfolur në media është e vërtetë, ndërsa arsyet vendosi t’i mbajë për vete. “Gjithçka ka qenë reale, kështu ka shkuar dhe kështu ka përfunduar. Ilnisës i uroj çdo të mirë, është një grua dhe nënë e mrekullueshme”, tha ai.
Ndërkohë që e ardhmja e tij sentimentale mbetet në hije, një gjë është e sigurt, Meriton Mjekiqi mbetet një nga personazhet më të komentuar për jetën e tij private, dhe publiku vazhdon ta ndjekë me kuriozitet çdo hap të tij.
