Tijana Radonjiç, një studente 19-vjeçare nga Serbia, humbi jetën tragjikisht gjatë një fluturimi me parashutë në Budva, Mali i Zi. Ajo ishte duke marrë pjesë në një aktivitet promovues për një agjenci turistike, ku pritej të xhironte një video në këmbim të udhëtimit falas.
Gjatë fluturimit, ajo hoqi rripin e sigurimit në ajër dhe ra nga një lartësi prej rreth 50 metrash. Shërbimet e urgjencës nuk mundën ta shpëtonin dhe vdekja e saj u konfirmua në vendngjarje.
Dëshmitarë thanë se dëgjuan të renë duke bërtitur për ndihmë pak çaste para rënies, ndërsa raportohet se mund të ketë pësuar një sulm paniku. Pamjet e para e tregonin të qetë dhe të buzëqeshur, por rrethanat e sakta të ngjarjes mbeten ende të paqarta. Prindërit e saj i dhanë lamtumirën me një mesazh prekës, duke theksuar se humbja e saj është e pajetueshme për ta.
Pronari i kompanisë turistike shprehu tronditjen e tij, duke thënë se nuk kishte vënë re asnjë shenjë frike te vajza dhe se gjithçka dukej normale para nisjes. Policia lokale ka nisur hetimet për të zbuluar nëse ka pasur neglizhencë apo shkelje të protokolleve të sigurisë. Ngjarja ka tronditur opinionin publik dhe ka hapur diskutime mbi standardet e sigurisë në aktivitetet turistike të sezonit veror.
