Niveli i ujit në Liqenin e Zyrihut, në Zvicër, ka rënë në nivelin më të ulët që nga fillimi i matjeve në vitin 1951, për shkak të thatësirës së zgjatur.
Niveli ka zbritur në 404.45 metra mbi nivelin e detit, duke thyer rekordin e mëparshëm prej 405.46 metrash, të regjistruar në vitin 1952.
Thatësira ka sjellë pasoja edhe për transportin dhe aktivitetet në liqen. Trageti Horgen–Meilen nuk lejon më automjetet e rënda, ndërsa disa varka kanë mbetur në tokë. Edhe një pishinë lundruese për water polo është mbyllur pasi ka prekur fundin e liqenit.
Autoritetet zvicerane paralajmërojnë se thatësira dhe ndryshimet klimatike po ndikojnë gjithnjë e më shumë në burimet ujore të vendit.
