“Relevo” raporton se në takimin e fundit mes Joan Laportës dhe Deco është diksutuar për shitjet që duhet të bëjë skuadra katalanase gjatë verës. Drejtori sportiv i katalanasve ka një listë me të pkatën 6 emra, që duhet të gjejnë patjetër ekip të ri në verë.
Ansu Fati, Ronald Araújo, Andreas Christensen, Eric García nuk janë më në planet e drejtuesve të Barcelonës për sezonin e ri, ndaj Deco po punon për shitjen e tyre. Pau Victor dhe Pablo Torre janë dy emra të tjerë që duhet të largohen në verë, por për ta klubi katalanas mund të kërkojë huazim, duke ditur moshën e re që ka dhe nuk do që t’i humbë përfundimisht.
Listës së largimeve mund t’i shtohen edhe emra të tjerë, por për momentin këta 6 lojtarë janë të sigurt drejt largimit. Barcelona pret shumë që të marrë një ofertë të mirë ekonomike sidomos për Ronald Araujo-n, ndërsa për lojtarët e tjerë priten oferta ekonomike të ulta.
