Një aksident ka ndodhur mbrëmjen e sotme në aksin rrugor Fier- Libofshë, ku një automjet është përplasur me një motor.
Si pasojë e përplasjes, drejtuesi i motorit dhe pasagjerja, e cila ishte bashkëshortja e tij, kanë pësuar dëmtime dhe janë dërguar në Spitalin Rajonal të Fierit jashtë rrezikut për jetën.
Dyshohet se shkak i përplasjes të jetë bërë shpejtësia tej normave dhe rruga e pandriçuar. Ndërkohë policia po punon për zbardhjen e plotë të rrethanave të aksidentit
NJOFTIMI I POLICISË:
Rreth orës 20:20, në aksin rrugor “Fier-Libofshë”, shtetasi D. H., 19 vjeç, duke drejtuar automjetin, ka përplasur një motomjet me drejtues shtetasin A. M., dhe pasagjere shtetasen M. M.
Nga përplasja janë dëmtuar shtetasit që udhëtonin me motomjet, të cilët ndodhen në spital për ndihmë mjeksore, jashtë rrezikut për jetën. Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
