Departamenti i Sigurisë Kombëtare është i gatshëm të ofrojë një shifër të lartë monetare për çdo emigrant të parregullt që zgjedh të vetëdeportohet nga Shtetet e Bashkuara të Amerikës për tu kthyer më pas në vendet e tyre.
I zotuar për të larguar nga Amerika miliona emigrantë të papajisur me dokumentacionin e nevojshëm, presidenti Donald Trump ofron shumën prej 1 milionë dollarësh për këdo që zgjedh të largohet vullnetarisht nga SHBA-të.
Departamenti thotë se kjo do të jetë 70% më e lirë për taksapaguesit amerikanë, pasi aktualisht i kushton DHS-së, mesatarisht, mbi 17,000 dollarë për të arrestuar, ndaluar dhe deportuar dikë.
Pagesa nuk do të paguhet derisa të verifikohet se një individ është vetëdeportuar. Të huajt do të përdorin aplikacionin e vetëdeportimit CBP Home për të aksesuar këtë ndihmë dhe DHS pret që vetëdeportimet, tashmë në mijëra, të rriten ndjeshëm me këtë njoftim.
Sipas një njoftimi për shtyp, ata që përdorin aplikacionin CBP Home për t’u larguar nga SHBA-ja do të “çprioritizohen për ndalim dhe largim” nëse po ndërmarrin hapa për t’u larguar nga vendi.
“Nëse jeni këtu ilegalisht, vetë-deportimi është mënyra më e mirë, më e sigurt dhe më efektive nga ana e kostos për t’u larguar nga Shtetet e Bashkuara për të shmangur arrestimin”, tha Sekretarja e DHS-së, Kristi Noem, për Fox News në një deklaratë.
“DHS tani po u ofron të huajve të paligjshëm ndihmë financiare për udhëtim dhe një pagesë për t’u kthyer në vendin e tyre të origjinës përmes aplikacionit CBP Home. Ky është opsioni më i sigurt për zbatimin e ligjit, për të huajt dhe është një kursim prej 70% për taksapaguesit amerikanë. Shkarkoni aplikacionin CBP Home SOT dhe deportoni vetë”, vazhdoi ajo.
