Një ngjarje e rëndë ka ndodhur mbrëmjen e djeshme në shtetin fqinj, Itali, ku dy persona kanë humbur jetën dhe tre të tjerë kanë mbetur të plagosur rëndë.
Sipas mediave italiane, mësohet se sulmi ka ndodhur përballë një picerie në qendër të qytetit të Monreales, ndërsa viktimat janë Salvatore Turdo, 23 vjeç dhe Massimo Pirozzo, 26 vjeç dhe të plagosurit janë 26 vjeç, 33 dhe 16 vjeç, të cilët ndodhen në gjendje të rëndë.
Gjithashtu, nga pamjet në kamerat e sigurisë, mësohet se prezentë kanë qenë mbi 100 persona, ku është parë gjithashtu se dy grupe të rinjsh janë përplasur me njëri-tjetrin dhe se njëri prej autorëve ka nxjerrë armën e zjarrit dhe ka qëlluar drejt viktimave.
Sakaq, policia është duke punuar për zbardhjen e plotë të rrethanave dhe kapjen e autorëve.
