Presidenti i Rusisë, Vladimir Putin, ka konfirmuar se Moska është gati të negociojë me Ukrainën për përfundimin e luftës pa parakushte.
Ky konfirmim vjen pas një takimi të Putin me të dërguarin amerikan Wittkoff, sipas agjencisë së lajmeve Interfax, duke cituar zëdhënësin e Kremlinit, Dmitry Peskov.Wittkoff u takua me Putinin për tre orë në Moskë për të diskutuar planin e SHBA për t’i dhënë fund luftës.
Presidenti i SHBA tha se dy vendet janë pranë një marrëveshjeje pavarësisht pozicioneve të tyre deri më tani.
“Putini nuk ka asnjë arsye që të ketë gjuajtur raketa në zona të populluara, qytete dhe fshatra në ditët e fundit. Kjo më bën të mendoj se ndoshta ai nuk dëshiron të ndalojë luftën,” shkroi Trump në platformën Truth Social më herët.
