Papa Françesku ka ndërruar jetë sot në moshën 88-vjeçare, siç është bërë e ditur nga Selia e Shenjtë. Në shenjë respekti dhe zie kombëtare, futbolli italian është ndalur. Lega Serie A ka publikuar një deklaratë zyrtare ku njofton shtyrjen e të gjitha ndeshjeve të planifikuara për sot, përfshirë edhe kampionatin Primavera 1.
Deklarata e Lega Serie A:
“Në vijim të ndarjes nga jeta të Atit të Shenjtë, Lega Nazionale Professionisti Serie A njofton se ndeshjet e parashikuara për sot në kuadër të kampionateve Serie A Enilive dhe Primavera 1 shtyhen për një datë që do të caktohet më vonë.”
Ndeshjet e shtyra janë:
Serie A:
- Torino – Udinese
- Cagliari – Fiorentina
- Genoa – Lazio
- Parma – Juventus
Primavera 1:
- Roma – Udinese
- Monza – Sassuolo
- Sampdoria – Torino
Edhe FIGC (Federata Italiane e Futbollit) ka njoftuar se të gjitha kampionatet për ditën e sotme nuk do të zhvillohen, përfshirë edhe Serie B. Datat e rikuperimit të ndeshjeve do të komunikohen në vijim.
