Pas eleminimit në Champions League nga Interi, Bayern është kthyer sot në fushën e lojës në transfertën ndaj Heidenheim, ndeshje e vlefshme për javën e 30-të në Bundesligë. Bavarezët dominuan takimin nga fillimi në fund dhe fituan pa shumë lodhje 0-4.
Pjesa e parë ka folur e gjitha për bavarezët, të cilët gjetën rrjetën tre herë. Serinë e golave e hapi Harry Kane në minutën e 12-të me një goditje të fortë në kufijtë e zonës së rreptësisë, pas asistit të Olise.
Goli i dytë u shënua 6 minuta më pas nga Konrad Laimer, i cili dërgoi topin në rrjetë pas një kundërsulmi të shpejtë dhe asistit perfekt të Gnabry. Goli i tretë nga Kinglsey Coman në minutën e 35-të. Në pjesën e dytë, Joshua Kimmich shënoi golin e katërt me një goditje të bukur brenda zonës. SHIKOGOLAT
Me këtë fitore, Bayern afrohet gjithnjë e më shumë me titullin. Bavarezët kryesojnë me 72 pikë, 9 më shumë se Leverkusen, i cili ka një ndeshje më pak. Në sfidat e tjera, Freiburg fitoi 3-2 ndaj Hoffenheim, Mainz barazoi 2-2 ndaj ëolfsburg, ndërsa Leipzig barazoi 1-1 ndaj Holstein Kiel. Janë 3 ekipe në garë për vendin e katërt, “bileta” e fundit që të dërgon në Champions League.
Leipzig renditet i katërit me 49 pikë, Freiburg në vend të pestë me 48 pikë, ndërsa Mainz i gjashti me 47 pikë.
