Pas takimit me Trump, kryeministrja Meloni pret sot zëvendëspresidentin e Shteteve të Bashkuara të Amerikës, Vance.
“Është një nder dhe një kënaqësi të kem mundësi të takoj në Romë zëvendëspresidentin mik të Shteteve të Bashkuara të Amerikës.
Marrëdhëniet midis vendeve tona karakterizohen gjithmonë nga miqësia dhe bashkëpunimi i madh: angazhimi për të kapërcyer dhe shmangur çdo lloj lufte, ushtarake dhe tregtare, vazhdon.
2025 duhet të jetë viti i PAQES, me shpresën se puna e administratës Trump mund të ndalojë konfliktet në Ukrainë dhe Lindjen e Mesme”, tha Meloni.
