Mentor Sopjani, ish-gjyqtar dhe vëzhgues i njohur i Federatës Shqiptare të Futbollit është ndarë ditën e sotme nga jeta. Ai ndërroi jetë pas një gjendjeje të rënduar shëndetësore, si pasojë e një sëmundjeje që prekte mushkëritë.
Lajmi i ndarjes së tij nga jeta ka prekur komunitetin sportiv në Shqipëri. Për ndarjen nga jeta të Sopjanit ka reaguar edhe Presidenti i FSHF-së, Armand Duka, shprehu dhimbjen dhe njëherësh ngushëllimet për familjen dhe miqtë e tij.
“Një lajm i dhimbshëm ai i ndarjes nga jeta të Mentor Sopjanit, një figurë me kontribut të vyer si arbitër dhe më vonë si vëzhgues. Në emrin tim dhe të Federatës Shqiptare të Futbollit, i shpreh ngushëllimet më të sinqerta familjes, të afërmve, miqve dhe gjithë komunitetit të arbitrave. Humbëm një mik, një koleg dhe një njeri të dashur. Prehu në paqe, Mentor!”, shkruan Duka.
