Kërkimet për 27-vjeçarin Ajet Lleshi, i cili është zhdukur prej dy ditësh në malin e Pashtrikut, kanë rinisur sërish ditën e sotme.
Bëhet me dije se policia, Emergjencat Civile, ekipi i Shërbimit të Kërkim-Shpëtimit Malor të Kosovës, janë angazhuar në operacionin e kërkim-shpëtimit për të riun. Një helikopter po ashtu është vënë në dispozicion, ndërsa zonat po vëzhgohen edhe nga dronë.
Kujtojmë se ditën e djeshme u raportua se i riu ishte gjetur pa shenja jete, ndërsa Prefekti i Kukësit, Dritan Baji ka përgënjeshtruar lajmet. Ndërkohë, i ati i 27-vjeçarit, i cili gjithashtu humbi kontaktet me familjarët teksa kërkonte të birin, është gjetur pasditen e djeshme në gjendje të rënduar fizike dhe psikologjike.
Ajet Lleshi u nis mëngjesin e ditës e së dielës drejt malit të Pashtrikut, ndërsa në mbrëmje telefonoi familjarët e e tij për t’i kërkuar ndihmë. Në kërkim të tij u vendosën babai, Rizai së bashku me 3 xhaxhallarët e Ajetit, të cilët u ndanë në drejtime të ndryshme.
Në këto kushte, babai i të riut bashkë me tre xhaxhallarët e tij kanë dalë në mal për ta kërkuar, por janë ndarë në drejtime të ndryshme dhe që prej orës 2 të mëngjesit familja humbi kontaktet edhe me babain e 27-vjeçarit.
