Autoritetet franceze, të angazhuara në një operacion të madh në zonën e Normandisë dhe në grykën e Senës, të cilët kishin filluar një aksion të koordinuar gjatë datave 3 dhe 4 prill 2025.
Ky operacion, çoi në çmontimin e një rrjeti të madh kriminal që ishte i specializuar në transportin e drogës përmes anijeve peshkimi ose varkave të shpejta, një metodë që deri tani nuk ishte parë në Francë.
Operacioni rezultoi në sekuestrimin e tre anijeve, një mallrash, një peshkimi dhe një skaf, si dhe në sekuestrimin e 800 kilogramëve kokainë të ardhur nga Brazili. Po ashtu, u arrestuan 28 persona të lidhur me ekuipazhin dhe organizatën që merret me ngarkesa të paligjshme.
Aksioni i drejtuar nga departamentet e Calvados dhe Seine-Maritime, nën udhëheqjen e një gjyqtari hetues nga Rennes, u zhvillua për arrestimin e autorëve në flagrancë të një importimi të kokainës, me anë të “hedhjes”, një teknike veprimi e përdorur nga grupe kriminale të përvojës së lartë.
Hetimet paraprake, të nisura nga divizioni i krimit të organizuar i Prokurorisë së Caen-it, çuan në hapjen e një procedure hetimore më 19 tetor 2023 dhe u përditësuan në 19 shkurt 2024.
Pas 18 muajsh hetime të thelluara, forcat e sigurisë të kombinuara nga OFAST Policia Kombëtare e Parisit, dhe dega e OFAST në Le Havre dhe forca të tjera policore u vendosën të enjten e kaluar, me informacionin se një transport i madh droge do të shkonte në veriperëndim të Francës.
Në atë moment u aktivizuan burimet në dispozicion për të siguruar mbikëqyrjen e vendosur rreth disa kriminelëve dhe bashkëpunëtorëve, duke përfshirë ekuipazhin e një varke peshkimi nga Ouistrham dhe pronarin e një skafi të ankoruar zakonisht në Seine Maritime.
Gjatë mesnatës u nis një operacion i paprecedentë për të koordinuar të gjitha këto shërbime. Gati 100 oficerë policie u vendosën për të arrestuar të akuzuarit teksa ktheheshin në bordin e anijeve për në breg në të njëjtën kohë në Ouistrham dhe Tancarville.
Gjithashtu, 6 individë, përfshirë tre peshkatarë dhe dy gra, u arrestuan në Tancarville, Le Havre dhe Ouistrham, ndërsa një prej të arrestuarve ishte shtetas shqiptare. Disa prej tyre kishin lidhje me krime të mëparshme, përfshirë vjedhje të rënda, dhunë ose trafik droge.
Përveç arrestimeve, një anije mallrash, e cila ishte nisur nga Brazili dhe kishte destinacion Amsterdamin, u devijua në portin e Dunkirk nga Roja Bregdetare Franceze, pas analizave të detajuara të autoriteteve të Doganës dhe DNRED në Nantes.
Anija, e cila transportonte 800 kilogramë kokainë që do të shpërndaheshin në det, u ndalua dhe ekuipazhi i saj, përbërë nga 22 marinarë filipinas, u arrestua.
