Një tjetër aksident është regjistruar ditën e sotme, kësaj radhe në rrugën e fshatit Luzat të Tepelenës.
Një 65-vjeçar me iniciale Z. Ç., ka humbur drejtimin e automjetit dhe për pasojë makina ka dalë nga rruga.
I dëmtuar mbeti vetë shoferi, por dhe pasagjeri me iniciale S. K., të dy të dërguar drejt spitalit të Gjirokastrës për të marrë ndihmën mjekësore.
“Rreth orës 19:50, në rrugën e fshatit Luzat, shtetasi Z. Ç., 65 vjeç, banues në Tepelenë, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë janë dëmtuar lehtë shtetasi Z. Ç., dhe pasagjeri shtetasi S. K., të cilët po marrin ndihmë mjekësore në Spitalin Rajonal Gjirokastër.
Grupi hetimor po punon për sqarimin e rrethanave të aksidentit“, thuhet në njoftimin e policisë.
