Presidenti i SHBA Donald Trump zgjat afatin për një marrëveshje TikTok me 75 ditë të tjera.
Këtë e ka bërë të ditur presidenti në rrjetin e tij social “Truth”. Ai shkruan se administrata po punon shumë për të shpëtuar TikTok.
“Marrëveshja kërkon punë të mëtejshme për të siguruar që të nënshkruhen të gjitha miratimet e nevojshme. Kjo është arsyeja pse unë po nënshkruaj një urdhër ekzekutiv për të mbajtur funksionimin e TikTok për 75 ditë të tjera,” – thotë Trump, i cili, menjëherë pas marrjes së detyrës, kishte caktuar afatin përfundimtar për shitjen e divizionit amerikan të aplikacionit popullor në 75 ditë për të shmangur një ndalim në Shtetet e Bashkuara. Afati i caktuar do të kishte skaduar më 5 prill. Ne shpresojmë të vazhdojmë të punojmë në mirëbesim me Kinën, e cila, me sa kuptoj unë, nuk është shumë e kënaqur me tarifat e ndërsjella (të nevojshme për tregtinë e drejtë dhe të ekuilibruar midis Shteteve të Bashkuara dhe Kinës. Kjo konfirmon se tarifat janë mjeti më i fuqishëm ekonomik, shumë i rëndësishëm për sigurinë kombëtare. Ne nuk duam që TikTok të errësohet”, tha Trump.
