Ky burrë është sot 89-vjeç dhe më shumë vite të jetës së tij i ka kaluar në burg i dënuar me të padrejtë, sesa ka jetuar në liri.
Quhet Iwao Hakamata ish-boksier dhe gjykata e Shizkuës në Japoni ku ai jeton ka vendosur së fundi ta dëmshpërblejë me 1.4 milionë Dollarë për 46 vite burgim për një dënim të gabuar nga gjykatat vendase në vitin 1968.
Në atë vit, u dënua me vdekje pasi u shpall fajtor për një vrasje të 4-fishtë me qëllim grabitjen në 1966-ën, ku viktimat ishin shefi i tij, bashkëshortja dhe dy fëmijët e tyre.
Hakamata pranoi fillimisht fajin, por më vonë, pasi tha se u detyrua me dhunë nga hetuesit të pranonte autorësinë, hoqi dorë nga dëshmia duke kërkuar pafajësinë.
Hetuesit megjithatë i gjetën gjurmë gjaku në veshje, që vulosën dënimin, por që vite më vonë me këmbënguljen në pafajësi, rezultuan se nuk kishin lidhje me vrasjen.
Kalvari i gjatë i dënimit të padrejtë e bëri atë të burgosurin që i ka mbijetuar më gjatë procesit të dënimit me vdekje, deri kur u shpall i pafajshëm dhe u lirua nga burgu, 11 vite më parë.
