Mohamed Salah do të largohet në fund të sezonit nga Liverpool, të dy palët nuk kanë arritur të gjejnë gjuhën e përbashkët për të vazhduar rinovimin, ndaj largimi i egjiptianit nga “Anfield” është i sigurt.
Prej kohësh, Liverpool ka nisur nga puna për të gjetur zëvendësuesin ideal të Salah. Lista është shumë e gjatë, dhe një nga kandidatët kryesor është Xavi Simons.
21-vjeçari po shkelqen te Leipzig, klubi i Bundesligës bleu përfundimisht kartonin e tij për 50 milionë euro nga PSG në merkaton e janarit dhe nuk do heq dorë lehtë prej tij. Për të bindur Leipzig, Liverpool ka përgatitur një ofertë rreth 80 milionë euro, që është brenda pritshmërive të klubit gjerman.
Drejtuesit e Liverpool janë të bindur që Xavi Aimons do ishte një zëvendësues i denjë i Salah, për holandezin interesohet edhe Manchester United.
Interesimi serioz dhe konkret i “Djajve” mund të prish planet e klubit të kuq, javët në vijim pritet të ketë takime dhe bisedime konkrete mes Liverpool dhe Leipzig për një transferim të mundshëm të holandezit në “Anfield” gjatë verës.
