Ish-sulmuesi i Chelsea-t, Joe Cole, beson se Arsenal-i mund ta eliminojë Real Madrid-in. Të dyja skuadrat do të përballen në çerekfinale të Champions League.
Pavarësisht fitores së tyre 9-3 në dy ndeshjet kundër PSV-së, djemtë e Mikel Arteta-s nuk do të konsiderohen favoritë ndaj Los Blancos.
Cole tha përmes TNT Sports:
“Arsenali mund të mundë këdo në dy ndeshje.
“Ka shumë probleme në skuadrën e tyre për momentin, ata nuk kanë një sulmues me peshë. Shumë dëmtime. Por ndonjëherë kjo mund të të motivojë.
“Ndonjëherë, diçka ndizet, do të ketë një moment dhe ata do të thonë, ‘Djem, ne kemi një mundësi këtu’”, shtoi Cole.
Arsenali mbetet pa një sulmues për shkak të dëmtimeve të Kai Havertz dhe Gabriel Jesus, por mund të përforcohet nga rikthimi i Bukayo Saka dhe Gabriel Martinelli.
Me titullin në Premier që është i pamundur, Champions përfaqëson trofeun e vetëm që skuadra mund të ngrejë këtë sezon.
