Mes njerëzve të zemrës, familjarë e miq, presidentja e Top Channel, Lori Hoxha dhe biznesmeni Vis Bajraktari kurorëzuan dashurinë e tyre disa vjeçare.
Ashtu si dhe pritej nga dasma madhështore nuk ka dalë asnjë foto e video.
E vetmja gjë që dimë është se eventi do të zhvillohej në ambientet e “Sheraton”, por se si Lori dukej e veshur me fustanin e bardhë e Visi si dhëndër, apo foto të së ftuarve e pamje brenda dasmës këto nuk i dimë.
Të ftuarit në këtë dasmë janë treguar mjaft diskretë duke mos nxjerrë asnjë detaj jashtë ambienteve të “Sheraton”.
Por, pas shumë e shumë kërkimesh në rrjetet sociale ajo që gjetëm është Grida Duma. Ish-deputetja dhe moderatorja, ashtu si gjithmonë, duket rrëzëllitëse. Grida ka vendosur që në dasmën e Lorit dhe Visit të shkojë me një fustan të ngushtë ngjyrë jeshil dhe me detaje silver.
Këto foto nuk janë postuar nga vetë moderatorja, por nga personi që u kujdes për pamjen e Gridës në këtë dasmë e cila është pritur prej shumë vitesh.
