Dolly Parton, pak ditë pas vdekjes së bashkëshortit të saj, Carl Dean, ka dërguar një mesazh për fansat e saj përmes llogarisë personale në Instagram, duke shprehur mirënjohjen për dashurinë e pamasë që ka marrë. Ndër të tjera, ajo theksoi se Dean ishte gjithçka për të.
Këngëtarja 79-vjeçare e muzikës country ka shkruar në tekstin që ka postuar: Ky është një mesazh dashurie për familjen, miqtë dhe fansat. Faleminderit për të gjitha mesazhet, kartat dhe lulet që dërguat për të shprehur ngushëllimet tuaja për humbjen e bashkëshortit tim të dashur Carl. Nuk mund t’i përgjigjem secilit prej jush personalisht, por dijeni se kjo do të thotë gjithçka për mua. Ai është në krahët e Zotit tani dhe unë jam mirë me këtë. Unë do të të dua përgjithmonë .
