Kanadaja do të vazhdojë të mbështesë Ukrainën “derisa lufta të përfundojë, derisa Ukraina të fitojë”, u tha gazetarëve sot kryeministri Justin Trudeau.
“Shpresoj se kjo luftë nuk do të zgjasë edhe një vit,” tha kryeministri kanadez në një konferencë për shtyp pas takimit me liderët e tjerë në Kiev, në një samit që shënon tre vjet nga fillimi i pushtimit rus të Ukrainës.
Tre vjet më parë, më 24 shkurt 2022, Rusia pushtoi Ukrainën. Lufta u kthye në zemër të Evropës. Ishin tre vite shumë të vështira në të cilat vdekja, tmerri dhe vuajtja i prekën thellë zemrat e miliona njerëzve. Nuk ka numra zyrtar për viktimat ushtarake dhe civile. Gazetat në mbarë botën përshkruajnë heksodin e afro shtatë milionë njerëzve të cilat, sipas të dhënave nga agjencitë e Kombeve të Bashkuara, u detyruan të linin gjithçka pas për t’u strehuar në vendet fqinje që i mikpriten, ose për të gjetur një rrugë tranziti për në destinacione të tjera të sigurta.
Brenda vendit, të dërrmuar këto muaj nga kthetrat e një dimri që arrin edhe në minus njëzet gradë nën zero, ka pothuajse katër milionë njerëz të zhvendosur, që kërkojnë strehim larg dhunës. Burra, gra, fëmijë, të moshuar që shpesh, në zonat kufitare të sulmuara, jetojnë në tunele për t’u strehuar nga bombat ose sulmet me dron. Shumë qytete janë kthyer në grumbuj rrënojash, shpesh mungon energjia elektrike si dhe mundësia e ngrohjes, e ngrënies ose e kujdesit mjekësor.
