Arsenal humbi 0-1 në shtëpi përballë West Ham United pasditen e së shtunës, kur duhej të shfrytëzonte mundësinë e artë për t’iu afruar Liverpool-it kryesues.
Skuadra e trajnerit Mikel Arteta nuk tregoi karakterin e duhur për të siguruar 3 pikët aq shumë të rëndësishme për luftën për titull.
Pas humbjes shokuese, tekniku u shfaq i zhgënjyer para gazetarëve dhe pranoi se titulli tashmë nuk është në duart e Arsenalit.
“Jam shumë i zhgënjyer dhe shumë i zemëruar. Urime rivalëve për tri pikët që fituan”.
“Duhet të shohim veten në pasqyrë për të kuptuar se çfarë mund të bëjmë më mirë dhe të tregojmë vullnet”.
“Titulli nuk është në duart tona. Ishte në dorën tonë, por tani nuk është më dhe kjo më irriton shumë”.
