Barcelona ka fituar në transfertë 0-2 ndaj Las Palmas, ndeshje e vlefshme për javën e 25-të në La Liga. Ashtu siç edhe pritej, ndeshja ndaj Las Palmas rezultoi një transfertë jo e lehtë për katalanasit.
Pjesa e parë u mbyll në barazim të bardhë pa gola. Në fillim të pjesës së dytë, largohet Fermin Lopez për Dani Olmo, do ishte pikërisht 26-vjeçari heroi i takimit të sotëm.
Një kombinim i bukur në minutën e 62-të mes Lamine Yamal dhe Dani Olmo-s, dhe pas një veprimi të bukur të bukur brenda zone, Olmo dërgon topin në rrjetë.
Në minutën e 82′, vendasit pretenduan për një penallti pas prekjes me dorë të topit nga Eric Garcia, por arbitri pasi pa pamjet, vendosi që ishte pozicion jashtë loje lojtari i Las Palmas. SHIKO RASTIN
Në minutat e fundit shtesë ishte Ferran Torres që shënoi golin e dytë pas asistit të Raphinha-s, duke vulosur kështu fitoren e Barcelonës.Pas kësaj fitoreje, Barcelona merr kreun në La Liga me 54 pikë, 1 një pikë më shumë se Atletico Madrid që renditet në vend të dytë dhe 3 pikë më shumë se Real Madrid i vendit të tretë, por “Los Blancos” presin nesër në “Bernabeu” Girona-n.
