Pas humbjeve të thella në zgjedhjet e mesmandatit, republikanët në SHBA po rishikojnë të ardhmen e partisë dhe kandidatin që mund të pasojë Donald Trump në Shtëpinë e Bardhë. Edhe pse zëvendëspresidenti JD Vance mbetet një prej emrave kryesorë për zgjedhjet presidenciale të vitit 2028, brenda partisë po rritet interesi për një kandidat që vjen nga drejtimi i shteteve, dhe jo nga Uashingtoni.
Mes emrave që po përmenden janë guvernatori i Floridës Ron DeSantis, ai i Xhorxhias Brian Kemp, guvernatorja e Arkansas Sarah Huckabee Sanders dhe ish-guvernatori i Virxhinias Glenn Youngkin. Disa prej tyre nuk e kanë përjashtuar mundësinë e kandidimit, ndërsa figura të tjera republikane kanë argumentuar se një guvernator mund të jetë kandidati më i përshtatshëm për të përfaqësuar partinë, në një kohë kur votuesit janë të zhgënjyer nga politika federale.
Megjithatë, Vance vijon të konsiderohet kandidati që duhet mundur, veçanërisht nëse ruan mbështetjen e Trump. Humbjet e fundit kanë hapur një garë më të paparashikueshme brenda republikanëve, ku kandidatët e mundshëm po përpiqen të pozicionohen që tani, përpara betejës së madhe presidenciale të vitit 2028.











