Anthony Gordon ka bërë një deklaratë të pazakontë pas sfidës së Barcelonës ndaj PSG-së në “Parc des Princes”, duke pranuar se intensiteti i ndeshjes e kishte lodhur që në minutat e para.
Anglezi, i cili është përshtatur shpejt me skuadrën e Hansi Flick, tregoi për CBS se ritmi i takimit ishte edhe më i lartë nga sa dukej nga jashtë.
“Pas dhjetë minutash isha tashmë shumë i lodhur. Ishte një ndeshje shumë kaotike dhe sa më shumë kalonte koha, aq më shumë lodhesha. Megjithatë, ishte një ndeshje e shkëlqyer”, deklaroi Gordon.
Pavarësisht lodhjes së madhe, sulmuesi theksoi se preferon pikërisht këtë lloj futbolli, me ritëm të lartë dhe shumë raste.
“Më pëlqen të luaj kështu, sepse është emocionuese dhe krijohen më shumë mundësi. E di që është një ndeshje e bukur për spektatorët, por po, jam jashtëzakonisht i lodhur.”
Gordon gjithashtu vlerësoi maksimalisht PSG-në dhe nivelin e skuadrës së Luis Enriques.
“Ata janë skuadra më e mirë në botë dhe kanë qenë të tillë gjatë dy viteve të fundit. Shpresoj që të përballemi përsëri me ta në të ardhmen”, tha anglezi.
Barcelona u largua nga Parisi pas humbjes 4-2, ndërsa intensiteti i ndeshjes la gjurmë të dukshme edhe te lojtarët e Flick.
